2223242713272641961_

صوص الخضار المخفية .. ( وصفة المكرونة بصوص الخضار المخفيه موجودة تحت ) .. أغلب الأطفال يمكن مايحبوا يشوفوا الخضار في صحنهم ، او زي ولدي مثلا اي شي لونه أخضر في الصحن يخرجه ‍♀️ .. الطريقة دي حتخليهم ياكلوا الكوسة والجزر والفلفل الأحمر وكمان الكراث بدون مايعرفوا إنها موجودة في صحنهم نهائيا وكمان يطلبوا ثاني .. حقيقي لذيذة وسهلة وأدعولي إذا أطفالكم خلصوا صحنهم .. المقادير : .. جزرة ( حبة كبيرة أو وسط ) عصير طماطم ( حبتين وسط ) فلفل رومي أحمر ( نصف حبة وسط ) كوسة ( حبة وسط ) كراث ( عودين فقط ) بصل ( نصف حبة وسط ) ثوم ( فص واحد كبير أو وسط ) معجون طماطم ( ملعقة طعام ) زيت زيتون ( ملعقتين طعام ) بهارات إيطاليه ( ملعقة شاهي أو اثنين حسب الرغبة) وممكن استبداله بالأوريغانو ملح وفلفل أسود ( رشه بسيطة للنكهه ، استخدم ملح بحري او هيمالايا ) كوب مرقة خضار ( تم إستخدام بودرة مرقه الخضار من @hawand.ksa .. الطريقة : * في قدر الطبخ نكشن البصل والثوم لمدة 5 دقائق حتى يذبلوا ، ونضيف عليهم الجزر والفلفل الأحمر والكراث والكوسة ( مقشرين و مقطعين صغار حتى ينضجوا أسرع ) ونتركهم من 2 ألى 5 دقائق على حرارة وسط * نضيف عصير الطماطم والمعجون والبهارات كلها ونتركهم لمدة 5 دقائق * يتم إضافة مرقه الخضار ونتركهم ينطبخوا إلى أن تنضج الخضار وتستوي * عالخلاط نخلطهم كلهم وبالعافية ♥️ .. الوصفة مناسبة من عمر ال 9 شهور وأعلى ( مع مراعاة عدم تقديم الملح لأقل من سنة ) .. ❗️ملاحظات : * أذا كان الصوص ثقيل أضيفوا من مرق الخضار أو موية * الخضار ممكن تستوي حتى نصف ساعة * نحتفظ فيها في علبة زجاج محكمة الإغلاق في الثلاجة لثلاثة أيام * ممكن الإحتفاظ بالصوص في الفريزر في أكياس حفظ الطعام لمدة 3 شهور ( قسموهم حسب الكمية المرغوبة في الأكياس لسهولة إذابتها وقت الحاجة * يوجد وصفة مرقة خضار مثبته في الحساب وفي البوستات السابقة .. #وصفات_حب_الام_للاطفال